Thaçi-Rama mendojnë ende për ndarjen e Kosovës: Të korrigjohen padrejtësitë historike

Edhe pse u tha që pas samitit të Berlinit kishte rënë përfundim ishit ideja e copëtimit të Kosovës dhe shkëmbimi i territoreve, duket se kjo ide vijon të jetë prezente në tryezat e politikës rajonale.

Ata që duken më të interesuar për një gjë të tillë janë kryeministri i Shqipërisë, Edi Rama dhe presidenti i Kosovës, Hashim Thaçi. Është ky i fundit që përmes një postimi në rrjetet sociale bën me dije se gjatë takimit që ka pasur me Ramën është diskutuar për atë që ai e quan “nevojë për korrigjimin e padrejtësive historike”.

“Sapo zhvillova një takim me kryeministrin e Republikës së Shqipërisë, Edi Rama, ku mes tjerash biseduam për domosdoshmërinë e hapjes së plotë të kufirit Kosovë-Shqipëri dhe krijimin e një hapësire shqiptare pa kufi, nën ombrellën euroatlantike. Në këtë takim ngritëm nevojën e korrigjimit të padrejtësive historike, duke bashkuar faktorin shqiptar rreth sensibilizimit të së drejtës të bashkëngjitjes së Preshevës, Medvegjës dhe Bujanocit me territorin e Republikës së Kosovës”, shkruan Hashim Thaçi në Facebook.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern