Tensionohet protesta anti-Vuçiç, qytetarët përplasen me policinë

Protesta e thirrur nga “Lëvizja Vetëvendosja” dhe aktivistë të shoqërisë civile që prej orës 16:00 të pasdites së stome ka degjeneruar në dhunë. Disa të rinj aktivist të kësaj lëvizje dhe qytetarë në mbështetje të tyre kanë shpalosur pankarta kundër Presidentit të Serbisë, Aleksandër Vuçiç, në Tiranë dhe kreut të serbëve të Bosnjës, Milorad Dodik.

Vetëvendosja e ka shpallur ata të dy si persona “nongrata” dhe janë shprehur se nuk do të lejojnë mbërritjen e tyre në Shqipëri. Qytetarët kanë tentuar të hyjnë në bulevard dhe të marshojnë drejt sheshit Nënë Tereza, por janë shtyrë me forcë nga policia.

Sakaq presidenti i Serbisë, Vuçiç ndodhet në Tiranë me ftesë të presidentit Ilir Meta pasi nesër dhe pasnesër do të mbahet samiti i Brdo-Brijunit, që zhvillohet nga viti 2010 në secilën prej shteteve anëtare dhe këtë vit ishte radha që të mbahej në Shqipëri.