Telefona dhe drogë në burgje, ministrja Gjonaj mbledhje urgjente me drejtorët

Siguria e burgjeve dhe ngjarjet e fundit në disa prej tyre ka detyruar ministren e Drejtësisë, Etilda Gjonaj të thërrasë një mbledhje të gjithë punonjësit e Shërbimit të Kontrollit të Brendshëm në Burgje. Në mbledhjen me dyer të mbyllura çështjet kryesore të ngritura nga ministrja Gjonaj ishin ato të sigurisë në sistemin e burgje dhe në kryerjen e veprimtarisë nga ana e SHKBB-së për parandalimin dhe monitorimin e veprimtarisë në institucionet e ekzekutimit të vendimeve penale.

Zyra e shtypit njofton se mbledhja gjithashtu ka pasur të bëjë dhe me regjimin e posaçëm për kokat e krimit që do të izolohen sipas ligjit italian dhe masat që duhet të marren nga punonjësit e Shërbimit të Kontrollit të Brendshëm në burgje, për zbatimin e tij.

“Mbledhja gjithashtu ka pasur të bëjë dhe me regjimin e posaçëm dhe masat që duhet të marren nga punonjësit e Shërbimit të Kontrollit të Brendshëm në Burgje, për zbatimin e tij. Kjo mbledhje vjen në kuadër të masave të shtuara te sigurisë së burgjeve por edhe të ngjarjeve të fundit ku janë kapur nga forcat e Policisë së Burgjeve dhe SHKBB-ja, një sërë sendesh të ndaluara”, thuhet në njoftim.

Kjo mbledhje vjen edhe në kuadër të masave të shtuara te sigurisë së burgjeve, por edhe pas akuzave të ashpra që ka lëshuar deputeti Lefter Maliqi në drejtim të drejtorit të Burgjeve.