Të mërkurën mbërrin në Shqipëri trupi i Major Klodian Tanushit, ja ku do të zhvillohen homazhet

Ditën e mërkurë, në Aeroportin “Nënë Tereza”, pritet të mbërrijë me avion ushtarak trupi i pajetë i major Klodian Tanushit, i rënë në krye të detyrës në misonin e NATO-s në Letoni.

Ministria e Mbrojtjes ben me dije se homazhet ne nder te major Tanushit do te zhvillohen diten e enjte te daten 16 maj, ne Pallatin e Kongreseve, nderkohe qe pritet ende te saktesohet orari.

Ditën e sotme në bazën ushtarake Abazi në Letoni u zhvillua një ceremoni nderimi për majorin Tanushi.

Tanushi mbeti i plagosur nga shpërthimi gjatë demontimit të një mine së bashku me rreshterin Julian Kapaj, shpërthim në të cilin edhe nëntetarja Zarife Hasanaj humbi jetën.

Major Klodian Nikolla Tanushi kishte lindur në Dibër më 31.10.1980, dhe ishte fëmija i parë i familjes Tanushi. Ai ishte i martuar dhe prind i tre fëmijëve (dy djem dhe një vajzë) përkatësisht 14 vjeç, 11 vjeç dhe 1 vjeç e gjysmë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern