LIGJET E BIZNESIT
Shtyrja e zgjedhjeve e propozuar nga Presidenti i vendit, Ilir Meta nuk është një opsion për kryeministrin Edi Rama.
Gjatë konferencës pas rekomandimit pozitiv për çeljen e negociatave për anëtarësim në BE, nga Komisioni Europian, Rama iu përgjigj edhe interesimit të gazetarëve në lidhje me këtë çështje.
Sipas kreut të qeverisë është për t’u vlerësuar qëndrimi dhe gatishmëria e presidentit Meta, duke përdorur shprehjen “T’i japim Çezarit ça i takon Çezarit”.
Por sërish ky propozim i Metës, sipas Ramës nuk e ndryshon qëndrimin e Mazhorancës në lidhje me shtyrjen e datës së zgjedhjeve lokale.
“Presidenti në këndvështrimin tim, ka shprehur një gatishmëri për t’u vënë në dispozicion të një zgjidhje me pëlqimin e partive politike. Më lejoni t’ju përsëris që PS, shumica qeverisëse, nuk ka asnjë pëlqim lidhur me asnjë diskutim për shtyrjen e datës së zgjedhjeve. Kjo nuk ka lidhje me sforcon e respektueshme të Presidentit, kjo ka lidhje me qëndrimin tonë të prerë e të qartë që më 30 qershor, nuk është çështja kush do të fitojë zgjedhjet bashkiake, por duhet të fitojë Shqipëria institucionale dhe kushtetuese, e cila nuk mund të merret peng e nuk mund t’i nënshtrohet axhendave partiake të kujtdo qoftë. Në këtë aspekt, në raport me presidentin kam qenë e mbetem i bindjes se i duhet dhënë Cezarit ajo që i takon Cezarit. E vlerësoj, gatishmërinë e presidentit dhe jam i bindur që nuk e keqkupton reagimin në raport me këtë pyetje që ne nuk kemi datë për të negociuar dhe nuk kemi kushtetutë për të anashkaluar.” -tha Rama.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
