Shkatërrohet banda e hajdutëve në Francë, në pranga 7 shqiptarë (EMRAT)

Si rezultat i një hetimi ndërkombëtar, janë arrestuar shtatë shqiptarë në Francë dhe në Shqipëri.

Personat e arrestuar akuzohen për vjedhje të rreth 100 apartamenteve në zonën e Nancy-t tre muajt e fundit të vitit 2018.

Në Francë u arrestuan katër persona, tre burra dhe një grua, anëtarë të familjes Kajtazi, të drejtuar nga Arif Kajtazi, të cilët janë rezidentë prej vitesh në rajonin e Nancy-t.

Ndërsa në Shqipëri, me urdhër të prokurorit Besim Hajdarmataj u ndaluan Besnik Fufi, Alfons Perloka dhe Aleks Marku. Për këta persona, gjykata për Krime të Rënda ka caktuar masën e sigurimit “arrest në burg”. në Shqipëri.

Personat e arrestuar në Francë dyshohet se kanë siguruar logjsitikën për ekipet e kriminelëve nga Shqipëria, të specializuar në vjedhje me thyerje.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ata janë arrestuar që me 23 prill, ndërsa rezultatet e hetimit u bënë publike ditën e sotme, në një konferencë të posaçme për median pasditen e së Hënës, organizuar në Nancy, nga kryeprokurori i rajonit, Fransua Perain (François Pérain) dhe prokurori shqiptar, Besim Hajdarmataj.

Besohet se shqiptarët kanë kryer rreth 100 vjedhje me thyerje, të cilat arijën  vlerën  300,000 euro. Ata vodhën bizhuteri, para, sende të vogla elektronike dhe të çmuara në shtëpi të cilat ishin bosh.