Rudina Hajdari ka një mesazh për protestën e Opozitës nesër

Deputetja Rudina Hajdari ka reaguar në lidhje me protestën e Opozitës ditën e nesërme. Përmes një postimi në rrjetet sociale, Hajdari shkruan se momenti është shumë i rëndësishëm për vendin dhe se të gjithë do duhet të mendojnë për të ardhmen. Ajo bën thirrje për qetësi dhe për të qëndruar larg dhunës ditën e nesërme, pasi sipas Hajdarit nuk kemi kohë për të humbur.

“Ky është një moment me rëndësi për Shqipërinë. Duhet të mendojmë për të ardhmen. Patjetër që protesta, e drejta e fjalës, janë pjesë thelbësore e çdo shoqërie demokratike. Por kjo e drejtë duhet shmang dhunën dhe gjuhën e urrejtjes. Nuk kemi më kohë për të humbur”, shkruan Rudina Hajdari në Twiter.