Protesta e Opozitës, lëndohet një efektiv, policia ka një mesazh për Bashën

Edhe pse e qetë në përgjithësi, protesta e Opozitës i ka pasur disa incidente të vogla. Policia bën me dije se gjatë protestës përpara Drejtorisë së Përgjithshme të Policisë së Shtetit u hodh një numër i madh kapsollash të ndaluara.

Si rezultat i këtyre goditjeve është lënduar një punonjës policie, i cili është dërguar në spital për trajtimin e nevojshëm.

Më tej në njoftimin e shpërndarë për mediet, Policia e Shtetit u bën thirrje drejtuesve të protestës Basha dhe ish-deputetëve të tjerë, por edhe protestuesve që të ndalojnë goditjet provokuese ndaj policisë.