LIGJET E BIZNESIT
Kreu i PD Lulzim Basha i është përgjigjur ftesës së kryeministrit Rama për dialog. Lideri demokrat tha sot se është gati që të dialogojë, por me dy kushte, e para që të bëhet me ndihmën e ndërkombëtarëve dhe e dyta pa Edi Ramën kryeministër.
Duke folur me gazetarët kryetari i PD-së u shpreh se kjo krizë e thellë politike nuk mbyllet me propagandë.
“Jam njohur këto 24 orë me qëndrimet e partnerëve ndërkombëtare. U kam komunikuar miqve ndërkombëtarë se mirëpres angazhimin e tyre për zgjidhjen e krizës politike në vend. PD dhe opozita kanë qenë dhe janë gati të përfshihen në një proces të vërtetë politik me ndihmën e partnerëve tanë ndërkombëtarë për të zgjidhur këtë krizë dhe për t’u kthyer shqiptarëve sovranitetin nga një qeveri dhe parlament ilegjitim.
Largimi i Edi Ramës është çelësi që i hap rrugën këtij procesi politik. Një qeveri tranzitore me detyra të përcaktuara qartë. Të gatshëm të diskutojmë edhe për detyra e reforma të tjera kushtetuese e zgjedhore që askush në të ardhmen të mos ketë me mundësi të marrë peng vendin, duke marre peng zgjedhjet. Duke krijuar një shumicë të pakicës që sundon mbi shumicën e pakicës.
Parmet që udhëheqin Europën do të jenë ato europiane. Precedentët nuk mungojnë, as ne 91 as ne 97, as ne rajon, mungon vetëm vullneti i atij qe mban peng vendin. Ky është qëndrimi më dritëshkurtër që një politikan shqiptar ka mbajtur në këto 29 vjet. Kjo krizë e thellë politike nuk mbyllet me propagandën bajatë të ertv. Me Edi Ramën nuk ka dhe nuk do të ketë asnjë proces politik apo zgjedhor. Ne mirëpresim angazhimin e ndërkombëtarëve për të zgjidhur krizën”.- tha Basha.
