Panik në Paris, mbyllet për disa orë kulla Eiffel (VIDEO)

Një nga monumentet më të vizituara të botës, Kulla Eiffel është mbyllur për disa orë këtë të hënë. Në kullën më të famshme e Parisit, ka pasur disa momente tensioni dhe paniku.

Shkak për këtë gjë është bërë një person i cili është parë të ngjitej me shpejtësi në kullë.

Mediet shkruajnë se, djali i cili është veshur me një xhup të kuq, ka nisur të ngjitet në strukturën metalike që në orën 14:15 dhe nuk pranon që të zbresë, pavarësisht thirrjeve të negociatorëve.

Kjo nuk është hera e parë që ndodh në këtë kullë. Në vitin 2015, James Kingston u ngjit në Eiffel me argumentin se ishte një nga qëllimet e tij në jetë.