Paloka tregon si janë bërë arrestimet pas protestës

Ish deputeti demokrat Edi Paloka iu është bashkuar mbështetësve të PD-së përpara Drejtorisë së Policisë së Tiranës. Para medias ai zbuloi sesi janë bërë arrestimet e protestuesve të opozitës., duke vënë në pranga edhe njerëz që nuk kishin lidhje me protestën.

“Kjo polici ka arrestuar edhe qytetarë që nuk kanë pasur lidhje me protestën. Janë bërë arrestime të qytetarëve nëpër lokale dhe ky është një skandal. I çmenduri ka urdhëruar arrestimin e qytetarëve të vendit. Ky tubim i opozitës bëhet kundër dhunës ndaj Sahit Dollapit dhe të gjithë qytetarëve të tjerë. Kjo polici ka keqtrajtuar qytetarët”, deklaroi Paloka.