Ditën e djeshme opozita ka mbajtur protestën e saj të pestë kombëtare, që ka zgjatur tre orë.
Pavarësisht motit aspak të favorshëm për shkak të reshjeve të dendura të shiut, protestuesit kanë marshuar dhe janë ndalur në 5 institucione si shenjë simboli ndaj krimit.
Dje binte në sy mungesa e kryetares së Lëvizjes Socialiste për Integrim Monika Kryemadhi, e cila ndodhej për një vizitë pune në Shtetet e Bashkuara të Amerikës.
Kryemadhi në pamundësi për të qenë fizikisht në protestë, ka publikuar një mesazh me një foto ku shkruhet: “Asnjë hap pas në betejën tonë për një Shqipëri Europiane dhe për zgjedhje të lira e të ndershme.”
