Nuk i mbijetoi plagëve, kush ishte Major Tanushi që ndërroi jetë sot në Letoni

Pak minuta më parë ministrja e Mbrojtjes, Olta Xhaçka dha lajmin e trishtë që edhe majori, Klodian Tanushi nuk mundi dot t’i mbijetonte plagëve të marra në shpërthimin e pak ditëve më parë. Majori qëndroi disa ditë në reanimcionin e spitalit të Rigës, por nuk ia doli dot që të mbijetonte. “FastnewsAlbania” ka siguruar jetëshkrimin e majorit të ndjerë dhe bëhet fjalë për një nga ushtarakët më të zotë të Forcave tona të Armatosura.

Por kush ishte majori që u nda nga jeta mbrëmjen e kësaj të premte?

Major Klodian Tanushi lindur në Dibër më 31.10.1980, fëmija i pare i familjes Tanushi. I martuar dhe me tre fëmijë (dy djem dhe një vajzë) përkatësisht 14 vjeç, 11 vjeç dhe 1 vjeç e gjysmë.

Në vitin 1999 ka përfunduar shkollën e mesme profesionale “Nazmi Rushiti” në profilin “Motorist xhenerik”. Nga viti 2000 deri në vitin 2003 ka ndjekur studimet në Akademinë Ushtarake Skënderbej.

Ka kryer kurse funksional EOD Niveli I-re “Për asgjësimin e municioneve me eksploziv”  Ka marrë pjesë ne kursin “EUFOR Mine Awareness Instructor Course”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Pas përfundimit të Akademisë është titulluar oficer dhe me urdhër nr.9628 datë 18.09.2003 ka marrë gradën e “Nëntogerit”. Në vitin 2006 ka marrë gradën e “Togerit”, në vitin 2010 ka marrë gradën e “Kapitenit” dhe në vitin 2017 ka marrë gradën e “Majorit”.

Gjatë karrierës së tij ushtarake ka kryer detyra si : Komandant Toge, Komandant Kompanie, Shef Seksioni,  Specialist Operacionesh. Aktualisht me detyrë Komandant i Togës së pare të EOD.

Në 20.12.2018 është dërguar me mision në Operacionin Ushtarak të NATO-s në Riga, Letoni në përbërje të Grup-batalionit kanadez me detyrë Komandant i Kontingjentit shqiptar dhe përfaqësues i lartë ushtarak, me afat qëndrimi 6-mujor.

Gjatë karrierës së tij është vlerësuar me Medaljen e “Karrierës” nga Komandanti i Forcës, Medaljen e “Shërbimit” nga Shefi i Shtabit të Përgjithshëm, Medalje shërbimi në Mision jashtë vendi si dhe Medaljen “Për pjesëmarrje në shërbime ndërkombëtare” nga Ministri i Mbrojtjes.