Ndarja nga jeta e major Tanushit, Rama mesazh ngushëllimi: Flamuri kombëtar në zi

Kryeministri Edi Rama ka reaguar në lidhje me ndarjen e parakohshme nga jeta të major Klodian Tanushit si pasojë e shpërthimit të një mine në Letoni.

Në një postim në rrjetin social Twitter, Rama shkruan se flamuri kombëtar është në zi për humbjen e Tanushit dhe se ai është ndarë nga jeta si një dëshmor i atdheut e shembull i lavdishëm i sakrificës.

‘Flamuri kombëtar në zi Fatkeqësisht edhe Klodian Tanushi,ushtaraku ynë i angazhuar në misionin e NATOs ku humbi jetën dëshmorja Zarife Hasanaj,s’u mbijetoi dot plagëve!Ai u nda nga jeta si një dëshmor i atdheut e shembull i lavdishëm i sakrificës së Forcave tona të Armatosura’, shkruan Rama.