Këta janë tre ‘tradhtarët’ e rinj në listat e PD dhe LSI që kanë pranuar mandatin

Vijon rrjedhja në listat e deputetëve të PD dhe LSI.

Të radhës janë tre kandidatë në listat e Tiranës, Durrësit dhe Elbasanit. Më konkretisht mësohet se nga lista e PD në Tiranë ka dorëzuar formularin e vetëdeklarimit Kostaq Papa.

Në listën e Durrësit, pas Kujtim Gjuzit, i radhës nga PD që pranon mandatin, është Krenar Rryçi.

Ndërkohë nga LSI rrjedhja këtë herë ka ardhur në listën e Elbasanit.

Është Suzana Topi, e cila sot ka dorëzuar formularin e vetë deklarimit në KQZ. Pas këtij hapi të këtyre tre kandidatëve, pritet shqyrtimi në Komisionin Qendror të Zgjedhjeve dhe më pas betimi në Kuvend.