Kërcënohet kandidati i Bindjes Demokratike në Skrapar, tërhiqet nga gara

Partia Bindja Demokratike ka denoncuar ditën e sotme se kandidati i saj në bashkinë e Skraparit, Devi Hebibasi është kërcënuar.

Në një reagim për mediet, lidhur me këtë ngjarje, partia BD shkruan se kandidati i saj në këtë qytet ndjehej i terrorizuar nga presionet që i bëheshin.

Partia e Astrit Patozit hedh dyshime të forta se pas këtyre presioneve qëndron kandidati rival i Partisë Socialiste, së bashku me deputetin e zonës, Adnor Shameti.

“Zoti Hebibasi ndjehej i terrorizuar dhe nuk pranoi të jepte shpjegime për arsyet e tërheqjes së tij të papritur dhe kjo e bën edhe më të rëndë situatën. Kemi dyshime të forta se prapa kësaj historie qëndron kandidati rival i Partisë Socialiste, së bashku me deputetin e zonës, Adnor Shametin. ”, thuhet në njoftimin e Bindjes Demokratike.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern