Këngëtarja Alida Duka, e njohur ndryshe dhe si motra e Stines, përflitet se është në një lidhje dashurie me një menaxher nga Franca, që banon në Gjenevë.
Mbrëmë ajo ka qenë e ftuar në emisionin “Why Not” të Roza Latit, dhe ka konfirmuar faktin që është në një lidhje dashurie.
Ndër të tjera Alida Duka tha se po bëjnë planet për dasëm në Monaco, ndërsa Roza e quajti partnerin e këngëtares si bossin e Francës, pasi I kishte dhuruar Dukës një orë me diamantë.
‘Është e vërtetë. Është hera e parë që gjej një njeri që e kupton karrierën time, muzikën, gjithçka, është krah meje gjithmonë dhe është menaxher për artistët në të gjithë botën. Mbi të gjitha është një person që kuptohem me të dhe ai më kupton jashtëzakonisht mua dhe më në fund thashë haleluja kur i kisha prerë shpresat që nuk do lidhem më fare, më mirë do rri vetëm. Në atë moment mendova nuk ia vlen më, sepse gjithë këto punë që kam gjatë ditës, se për një person që ti e do, duhet të marrësh kohë për të. Unë ngaqë jam 24 orë në lëvizje, s’kam kurrë kohë për asgjë dhe mendoja më mirë të rri vetëm. Në atë moment, erdhi dhe ishte dashuri me shikim të parë’, tha Alida gjatë intervistës në emision.
