LIGJET E BIZNESIT
Kapiteni i kombëtares Spanjolle, portieri Iker Casillas pësoi një atak në zemër teksa stërvitej me skuadrën e tij Porto, ditën e mërkurë.
Menjëherë pas kësaj ngjarje ai u transportua për në spital nga ekipi mjekësor i skuadrës portugeze, e cila më pas gjatë një deklarate tha se portieri spanjoll ishte jashtë rrezikut për jetën.
“Iker Casillaj pësoi një atak kardiak gjatë seancës stërvitore këtë të mërkurë” shkruante skuadra e Portos në një status në faqen zyrtare në internet.
“Seanca u ndërpre menjëherë dhe te portieri u dërgua menjëherë ekipi mjekësor, dhe tani 37 vjecari ndodhet në spitalin e Portos. Casillas është në gjendje të mirë shëndetësore, stabël dhe problemi me zemrën u zgjidh.”
Casillas ka luajtur 167 herë për Spanjën, dhe ka qenë kapiten në fitoren e Kupës së Botës në vitin 2010, e para dhe e vetmja deri tani për kombëtaren spanjolle.
Ai gjithashtu ka fituar edhe Kampionatin Europian të vitit 2008 dhe 2012.
I lindur në Mostoles, Madrid, Casillas u bë I njohur nëpërmjet akademisë së Real Madridit dhe e vazhdoi karrierën e tij atje, deri sa u bashkua me skuadrën e Portos në korrik të 2015.
Ai ka luajtur 725 ndeshje midis 199 dhe 2015, duke fituar kështu pesë tituj në La Liga dhe tre Champions League me klubin e Real Madridit, duke u bërë kështu pjesëmarrësi i dytë me ndeshje më të shpeshta në historinë e skuadrës, pas lojtarit Raul, i cili ka marrë pjesë 741 herë në ndeshjet me Real Madridin.
Burimi: The Guardian
