Ishte shpallur në kërkim, ekstradohet në Shqipëri 31-vjeçari

Është kryer ekstradimi i shtetasit shqiptar R.K, 31 vjeç, lindur në Tepelenë, nga Vjena drejt vendit tonë.

Ky shtetasi, ishte i shpallur në kërkim pasi në vitin 2017, Gjykata e Rrethit Gjyqësor Sarandë, e ka dënuar me 8 vjet burgim për veprat penale “Kultivimi i bimëve narkotike” dhe “Prodhimi dhe mbajtja pa leje e armëve luftarake dhe e municionit” .

Përmbledhje e ngjarjes së ndodhur:

Më datë 01.09.2016, në fshatin Karroq, Bashkia Finiq/Sarandë, në vendin e quajtur Grave është gjetur një parcelë e mbjellë me bimë narkotike e llojit Kanabis Sativa.

Në vendin ku ndodhej parcela është gjetur dhe automjeti në pronësi të shtetasit R. K.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Gjithashtu në këtë parcelë janë gjetur dy kapsolla detonatore dhe një armë zjarri mod 54 me 14 fishekë.

Si rezultat i bashkëpunimit të Interpol Tiranës me Interpol Vjenë/Austri, u bë i mundur arrestimi i tij në Austri, duke u finalizuar me ekstradimin drejt vendit tonë.