Dy anëtarët e grupit Bajri Denis Brajoviç dhe Klaudio Hoxhalliu janë liruar sot nga gjykata.
Ata u arrestuan pak kohë më parë si pjeësë e këtij grupi në qytetin e Shkodrës.
Gjykata sot ka vendosur masën e sigurisë “arrest shtëpie” me motivacionin se nuk provohet dot akuza për “për krahje të autorit” si dhe nuk ka prova se kanë qenë të përfshirë në veprimtari kriminale.
Ngjarja në 2018, arrestimi
Policia e Shtetit, në bashkëpunim me Prokurorinë e Krimeve të Rënda, goditën në një operacion ditën e djeshme grupin e Safet Bajrit, i njohur ndryshe si “i forti” i Shkodrës.
Operacioni i koduar “Oaz” erdhi pas gjashtë muajsh hetime intensive në Shqipëri dhe Holandë ku fshiheshin dhe vepronin anëtarët e grupit. Koka e tij, Safet Bajri, (Rustemi) u arrestua në Tiranë dy ditë më parë, teksa ishte duke luajtur bilardo në zonën e “Xhamllikut”. Bajri ishte i armatosur, por në momentin e arrestimit është zënë në befasi, duke hedhur pistoletat në dyshime.
Përveç Tiranës, operacioni është shtrirë edhe në Shkodër dhe Roterdam, ku janë arrestuar persona të tjerë. Detajet e operacionit i komunikoi drejtori i Përgjithshëm i Policisë, Ardi Veliu, ditën e djeshme në një konferencë për shtyp, i shoqëruar edhe nga drejtuesja e Prokurorisë së Krimeve të Rënda, Donika Prela, së bashku me prokurorin Blerim Tominaj. Të arrestuarit janë:
Safet Bajri; Behar Bajri, i kapur në Roterdam; Samet Halluni, i kapur në Roterdam; Ilir Rustemi, i arrestuar në operacionin e Shkodrës më 6 shtator; Emrah Plaku, i arrestuar në Shkodër më 6 shtator;
Astmer Bilai, i arrestuar në Shkodër më 6 shtator; Armir Grimaj, i arrestuar dje në Shkodër; Ismet Idrizi, i arrestuar në Shkodër; Fabiol Rexhepi, i arrestuar në Shkodër;
Denis Brajoviç ,i arrestuar në Tiranë dhe Klaudio Hoxhalliu, i arrestuar në Tiranë.
