Flasin Lenjani dhe Mavraj: T’i japim kohë Rejas për t’u përshtatur

Para gazetarëve në konferencën për shtyp në ditën e tretë të grumbullimit të Kombëtares, kanë folur mbrojtësit Emir Lenjani dhe Mërgim Mavraj.

I rikthyer në ekip pas përplasjes me Kristian Panuçin, Lenjani ka theksuar faktin se tashmë atmosfera është shumë më pozitive. Mbrojtësi kuqezi tha se e ka lënë pas përplasjen që ndodhi me ish-trajnerin dhe tani është i gatshëm të jap më të mirën për ekipin kudo që të jetë nevoja.

Ndërsa Mërgim Mavraj që nuk luan në ndeshjen e radhës me Islandën për shkak të dënimit disiplinor që ka marrë më parë, ka folur për ndryshimet që kanë ndodhur në Kombëtare, duke filluar nga trajneri Edi Reja, të cilin e përkufizoi si një person mjaft simpatik.

Të dy futbollistët e kanë vlerësuar pozitivisht trajnerin e ri, teksa kanë kërkuar kohë për të arritur te rezultatet deri në përshtatjen e plotë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern