E rëndë/ 30-vjeçari plagos veten me thikë dhe mbyllet në banesë, alarmohen familjarët

Një ngjarje e rëndë ka ndodhur sot në mëngjes në Patos të Fierit.

Një person i identifikuar si Zhan Xhelaj 30 vjeç i cili vuante nga depresioni, ka goditur veten me thikë dhe më pas është mbyllur në katin e gjashtë të pallatit ku banon.

Si pasojë e goditjeve 30 vjeçari ka marrë lëndime në gjoks dhe pjesë të tjera të trupit.

Ngjarja ka ndodhur në lagjen “Naftetari” mëngjesin e sotëm, ndërsa në vendngjarje kanë mbërritur forcat të shumta policie , ambulanca dhe forcat zjarrfikëse

30 vjeçari është mbyllur në banesë që prej orës 06.00 të kësaj të enjteje, ndërsa të afërm dhe policia pas disa orësh negociata me të, kanë arritur që ta nxjerrin dhe më pas ta transportojnë drejt spitalit.