E frikshme në Rusi, avioni me 78 pasagjerë përfshihet nga flakët

Një avion me të paktën 78 pasagjerë në bord është përfshirë nga flakët orët vona të pasdites në aeroportin “Sheremetyevo” të Moskës. Mësohet se avioni ka qenë në fluturim gjatë kohës kur është konstatuar zjarri në një pjesë të avionit.

Të parët që kanë parë flakët kanë qenë pasagjerët që janë alarmuar, por për fat të mirë çdo gjë u arrit që të mbahet nën kontroll. Deri më tani mediet ndërkombëtare nuk raportojnë për viktima nga 78 pasagjerët dhe pjesëtarët e ekuipazhit.

Vetëm 6 pasagjerë mësohet të kenë marrë plagë të lehta dhe po trajtohen në spitalin e Moskës.  Sipas raporteve të disa prej medieve ndërkombëtare shkak i këtij aksidenti që për pak mund të përfundonte në një tragjedi është bërë një defekt në motor dhe më pas flakët janë përhapur edhe në pjesë të tjera të mjetit fluturues.