Sot është “Dita Pa Duhan”. Një nismë që promovohet çdo vit më 31 Maj nga Organizata Botërore e Shëndetësisë dhe partnerët e saj kudo në botë. Ajo synon ndërgjegjësimin e qytetarëve mbi dëmet në shëndet deri edhe vdekje që shkakton duhani, jo vetëm te duhanpirësit, por edhe të tjerëve që nuk e konsumojnë dhe që konsiderohen si duhanpirës pasiv.
Motoja e këtij viti është “Bëj që çdo ditë e vitit të jetë Dita pa Duhan” dhe fokusi që OBSH ka për këtë viti është “Duhani dhe shëndeti i mushkërive” duke synuar edukimin dhe rritjen e ndërgjegjësimit të popullatës mbi:
- Ndikimin negativ të duhanit në shëndetin e mushkërive, si një ndër shkaktarët e drejpërdrejtë që çon në Kancer të Mushkërive & Sëmundje kronike të mushkërive
• Rëndësinë dhe rolin themeltar që Mushkëritë kanë mbi shëndetin në përgjithësi dhe cilësinë e jetës
Duhani vret 1 person çdo 4 sekonda
#thuajJOduhanit
