Detaje nga atentati në Vlorë, zbulohet kush ishte shënjestra

Detaje të reja kanë dalë nga atentati i ndodhur në mesnatë në fshatin Poro të Vlorës.

Persona të maskuar kanë qëlluar me breshëri plumbash ndaj dy të rinjve Sotiraq Mëhilli dhe Eno Mata të cilët po udhëtonin me motorr.

Të rinjtë ishin shokë me njëri-tjetrin dhe po ktheheshin në banesë në momentin që janë qëlluar.

Fillimisht kanë mbetur të dy të plagosur por Sotiraq Mëhilli nuk ka mundur t’ju mbijetojë plagëve dhe ka ndërruar jetë rrugës për në spital.

Ndërsa Eno Mata , ka marrë disa plumba në trup dhe është dërguar menjëherë drejt Tiranës dhe është në gjendje kritike për jetën.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Burime nga policia bëjnë të ditur se shënjestra e atentatit ka qenë Eno Mata, i cili rezulton me precedentë të mëparshëm penal.

Mata ishte një ndër personat më të kërkuar në Greqi. I riu akuzohej për grabitjen me dhunë të një argjendarie si dhe për vrasjen e një avokati të njohur grek, Michalis Zafiropoulos. Kjo ngjarje ka ndodhur në tetorin e vitit 2017.

Ai ka qene se bashku me nje shqiptar tjeter i cili e pranoi se ishte ai qe e kishte qelluar avokatin grek.

Nderkohe qe Mata u tha se ishte kthyer ne Shqiperi. Kohe pas ngjarjes, shtypi grek nxori nje leter, qe u tha se e kishte shkruar pikerisht Mata, ku sqaronte se lidhur me ate ngjarje ishte viktime.

‘Sa i përket çështjes së z.Zafeiropoulos, jemi të dy viktima. Unë di të mbaj përgjegjësinë time. Nëse do ta dija si do të shkonin punët, nuk do të bëhej kështu siç u bë. Po, unë vjedh, por nuk jam vrasës’, thuhet ne leter me shenimin poshte ‘Maradona-këmbëshpejti’