Breshëri plumbash brenda në lokal, plagoset 35-vjeçari

Një ngjarje e rëndë ka ndodhur mbrëmë në Lezhë, ku është qëlluar me armë zjarri brenda në një lokal në drejtim të një 35-vjeçari.

Një person i panjohur i është afruar dhe ka qëlluar në drejtim të këmbëve të tij dhe si për pasojë 35-vjeçari Ridvan Koca ka mbetur i plagosur.

Policia njoftoi mbreme se ngjarja ndodhi në një lokal në lagjen “Gurra”, ku shtetasi Ridvan Koca, banues në Lezhë është plagosur me armë zjarri. Me pas ai u dergua në  spitalin Rajonal të Lezhës, jashtë rrezikut për jetën.

Policia ka shoqeruar disa persona qe ishin te pranishem ne lokal ne kohen kur ndodhi plagosja.

Sipas informacioneve, i demtuari po qendronte ne nje lokal, kur disa minuta me vone nje  person i eshte afruar lokalit dhe ka qelluar ne drejtim te kembeve te tij.

I lenduari ne deshmine e pare qe dha per policine, ka deklaruar se nuk e ka idene perse eshte qelluar. “Nuk kam konflikte me njeri dhe se nuk kam fare dijeni se kush mund te ishte atentatori”- ka thene ai.

Informacioni paraprak 

Në një lokal në lagjen “Gurra”, Lezhë, është plagosur me armë zjarri shtetasi R. K.,35 vjeç, banues në Lezhë, i cili është dërguar në spitalin Rajonal të Lezhës, jashtë rrezikut për jetën.

Grupi hetimor po punon për zbardhjen e rrethanave të ngjarjes, identifikimin dhe kapjen e autorit.