LIGJET E BIZNESIT
Vota pro e Komisionit Europian për hapjen e negociatave me Shqipërinë për të hyrë në bashkimin Europian ka sjelllë edhe reagimin e avokatit të njohur, Spartak Ngjela. Përmes një postimi në rrjetet sociale, Ngjela ka treguar një version ndryshe sa i përket motivit se përse u hap drita jeshile për Shqipërinë nga KE.
“Por mos mendoni që Rama u ndje komod. Është i shqetësuar por tani nuk i ndihmon dot më hordhitë destabilizuese, se sigurisht që e di kërcënimin deklarativ të politikës amerikane për shpalljen e partisë terroriste.”, shkruan Ngjela ndër të tjera.
Sipas Ngjelës ka qenë ndikimi i fortë ndërkombëtar nga SHBA dhe frika e ndonjë ndikimi rus në vendin tonë, që e detyroi Komisionin Europian të bënte këtë rekomandim pozitiv.
Ngjela shkruan më tej se ndaj kreut të PD-së, Basha janë bërë presione nga faktorë të rëndësishëm në Ushington.
Postimi i Spartak Ngjelës në facebook.
Cili është faktori më i fortë i pranimit të Shqipërisë në Bashkimin Europian?
l.
Faktori më i fortë për pranimin e Shqipërisë në BE është ndërhyrja ruse për të destabilizuar botën shqiptare në Ballkanin Perëndimor, sidomos, Shqipërinë në fillim dhe Kosovën më pas.
Por a i ka mundësitë politika ruse që ta bëjë këtë destabilizim?
Politikani i lartë amerikan, Palmer, para një muaji deklaroi në Tiranë se ‘targeti rus ndaj Shqipërisë është shumë i vështirë’.
Kuptohet se politika amerikane mu në Tiranë ua tha këtë forcave destruktive që kërkojnë destabilizim, hordhive të Partisë Demokratike, e cila u duk se pas kësaj, sikur u revoltua edhe më dhe e sulmoi gjendjen me granada Molotov. Të pa para kurrë në historinë e Shqipërisë.
Por çndodhi pas kësaj që në protestën e fundit hordhitë u bënë ‘pula të qytetëruara?’
Bashës i erdhi kërcënimi nga Uashingtoni: politika e lartë amerikane i tha: “nëse nuk hiqni dorë nga dhuna, Partinë Demokratike do ta shpallim parti terroriste”.
Në fakt ky ishte fundi.
Edhe Moska u habit me xhiron paqësore dhe me dritë telefonash të të ‘revoltuarëve të Tiranës’.
ll.
Por mos mendoni që Rama u ndje komod. Është i shqetësuar por tani nuk i ndihmon dot më hordhitë destabilizuese, se sigurisht që e di kërcënimin deklarativ të politikës amerikane për shpalljen e partisë terroriste.
lll.
Të gjitha këto bashkohen dhe na çojnë në përfundimin se pranimi i Shqipërisë në Bashkimin Europian është sot domosdoshmëri e politikës globale perëndimore. Ky është mendim i prerë politikës korente amerikane dhe gjermane. Koha e solli që politika e lartë gjermane, anëtarëve të Bashkimit Europian, kundërshtues të hapjes së negociatave me Shqipërinë, t’iu kujtojë që ‘ky kundërshtim është interesi rus në Ballkanin Perëndimor’.
E pra, ky duhet të jetë argumenti më i fortë për pranimin e Shqipërisë në Bashkimin Europian shumë shpejt pas çeljes së negociatave.
Po opozita jashtëparlamentare e antiteformë, çduhet të bëjë? Duhet të ketë shumë kujdes: Shqipëria nuk mumd të destabilizohet, kjo është pamundësi absolute…
