Arrest kardiak në timon, 30-vjeçari përplaset me pemën dhe humb jetën

Një ngjarje e trishtë ka ndodhur pasditen e kësaj të mërkure në Tiranë. Mësohet se një 30-vjeçar me inicialet S.V ka humbur jetën teksa po udhëtonte me makinë.

I riu ka pësuar arrest kardiak dhe ka humbur kontrollin e makinës, e cila është përplasur me një pemë anash rrugës.

Bëhet me dije se Policia ka mbërritur në vendin e ngjarjes dhe po punon për sqarimin e plotë  të rrethanave të ngjarjes, ku paraprakisht ngjarja dyshohet aksidentale.