Ambasada Amerikane reagon për dhunën në protestën e opozitës

Ambasada Amerikane ka reaguar ndaj përshkallëzimit të dhunës në protestën e opozitës. Nëpërmjet një statusi në facebook, i bëhet thirrje palëve që të mos ushtrojnë dhunë dhe të tregojnë vetëpërmbajtje.

POSTIMI I PLOTË:

Ambasada e SHBA dënon dhunën e pranishme gjatë protestës së sotme. Objektivi i deklaruar i opozitës për ta bërë demokracinë e Shqipërisë më të fortë shkon kundër dhunës që është duke u ushtruar nga protestuesit. Dhuna është thelbësisht jodemokratike dhe duhet të ndalojë. Drejtuesit e protestës kanë përgjegjësinë të nxisin qetësi. Iu bëjmë thirrje të gjitha palëve që të tregojnë vetëpërmbajtje.