Një nënë shqiptare dhe vajza e saj dy-vjeç, banuese nw Doncaster, Yorkshire, janë zhdukur pa asnjë gjurmë, raporton policia britanike.
Sebjana Myzeqari 24 vjeç, dhe e bija e saj Enisa nuk janë parë më që prej datës së 2 prillit.
Gruaja me kombësi shqiptare nuk e ka përdorur as telefonin dhe as bankat e kreditit, faky ky që të bën të dyshosh se ajo nuk është larguar nga territori i Britanisë së Madhe.
Policia e Yorkshiret të Jugut janë shprehur se janë tepër të shqetësuar për sigurinë e nënës dhe së bijës.
Sipas oficerit britanik Neil Thomas Sebjana Myzeqari kishte ardhur në Britani nga Shqipëria vetëm tre vite më parë dhe kishte zgjedhur Doncasterin për të jetuar.
Ai shton se Enisa ishte e regjistruar në çerdhe por nëna kishte një jetë të izoluar me pak miq.
“Jemi shumë të shqetësuar, sepse fakti është se kemi një 24 vjeçare dhe vajzën e saj dy vjeç të zhdukura dhe nuk i kemi parë më,” është shprehur oficeri.
Vendi i fundit që ato janë parë është në Frenchgate, Doncaster, ku erdhën pasi ishin për vizitë në Qëndren Shëndetsore Flying Scostman në St Sepulchre Gate Ëest.
Policia ka thënë se njerëzit që I shohin janë të lutur të telefonojnë në numrin kombëtar 101.
