Një aksident rrugor ka ndodhur mesditën e sotme në qytetin e Korçës, ku një automjet ka përplasur një kalimtar.
I plagosuri, identiteti i të cilit nuk bëhet ende i ditur, mësohet se është një burre rreth moshës 65 vjeç.
Ai u dërgua menjëherë për në spital dhe nuk dihet gjendja e tij shëndetësore.
Burime bëjnë me dije se menjëherë pas aksidentit,drejtuesi është larguar nga vendi i ngjarjes, duke e lënë të plagosurin në mes të rrugës. Po ashtu bëhet e ditur se policia ka arritur të identifikojë autorin dhe po punon për kapjen e tij dhe zbardhjen e plotë të shkaqeve dhe rrethanave në të cilat ka ndodhur aksidenti.
