Policia e shtetit ka arritur të zbardhë vrasjen e bujshme të vëllezërve Bilali në Shkodër, më 30 mars. Dy persona janë arrestuar dhe dy të tjerë janë shpallur në kërkim si të dyshuar për vrasjen e vëllezërve.
I pari është shtetasi me inicialet A.S. 29 vjeç, nga fshati Mjedë i Vaut të Dejës, i dyti shtetasi M.R. banues po në Mjedë.
Ndërkohë, në ndjekje është 26 vjeçari I.L, që cilësohet edhe si autori kryesor i vrasjes, si dhe D.B. 29 vjeç, i dyshuar për përkrahje.
Policia njofton se vazhdon puna për hedhjen dritë mbi motivin e kësaj ngjarjeje dhe identifikimin e personave të tjerë të përfshirë.
