Vrasja e kushërinjve në Laç, identifikohen tre autorët e dyshuar

Zbardhen detaje të reja nga ngjarja që tronditi Laçin mbrëmjen e djeshme, ku mbetën të vrarë dy kushërinjtë Mikel dhe Arjan (Kelvin) Jushi 35 dhe 30 vjeç.

Policia ka mundur të identifikojë dhe ka shpallur në kërkim dy autorët e dyshuar të vrasjes së dyfishtë.

Nga të dhënat paraprake hetimore, policia ka identifikuar dhe shpallur në kërkim, tre persona, Vincens Pali dhe Markel e Mikel Bushi, si autorë të dyshuar të vrasjes së dy kushërinjve.

Identifikimi i tyre u bë i mundur nga kamerat e sigurisë dhe dëshmitarët që kanë qënë në vendngjarje. Pas identifikimit të tyre, policia po punon për arrestimin e tyre.

Ngjarja ndodhi mbrëmjen e djeshme rreth orës 20:15 në lagjen nr. 1 në qytetin e Laçit, afër një lokali ku ndodheshin viktimat dhe autorët.