Video/ Truprojat ‘alarmohen’ nga gruaja në Shkodër që kërkoi t’i afrohej Ramës

Pas parakalimit i rrethuar me truproja në ceremoninë e NATO-s në Tiranë, ku në të dyja anët e rrugës qëndronin ushtarët e Forcave të Armatosura të Shqipërisë, kryeministri Edi Rama tregon sërish se preferon t’i ketë në gatimshëri maksimale truprojat edhe në takimet që zhvillon me qytetarët.

Një situatë e tillë u pa sot në Shkodër, kur rojet u ‘alarmuan’ në momentin që një grua u ngrit nga karrigia dhe tentoi t’i afrohej kryeministrit. Ajo u bllokua menjëherë nga dy roje dhe një tjetër grua, duke iu ndaluar të afrohej pranë Ramës.

“O zonjë, ulu të lutem që të vazhdojmë. Po prit pra. Do takohemi, por të vazhdojmë njëherë. Ulu tani. Me qetësi se do thonë je e FRPD-së”, ndërhyri Rama teksa takimi transmetohej ‘live’.

Rama ka kohë që i ka shmangur takimet apo ceremonitë i rrethuar me njerëz, por truprojat e tij krijojnë gjithnjë një perimetër sigurie që distancojnë kryeministrin me qytetarët./Politiko.al

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern