Thellohet bilanci në Sri Lanka/ 290 të vdekur, mbi 500 të plagosur

Ka arritur në 290 numri i vdekurve nga sulmi terrorist në Sri Lanka, mes tyre ka edhe shumë turistë të huaj. Ndërsa numri i të plagosurve i ka kapërcyer 500 vetë. Një valë shpërthimesh goditën tre kisha dhe tre hotelet luksoze në të gjithë vendin të dielën e Pashkëve.

Sipas të dhënave të Policisë vendase 24 persona janë arrestuar, por ende nuk dihet se kush i ka kryer sulmet. Kjo është dhuna më vdekjeprurëse në Sri Lanka, që nga përfundimi i luftës civile në vitin 2009.