Si lindi miqësia mes Mikel Jushit dhe Bes Kallakut

Një ngjarje e rëndë ndodhi mbrëmjen e djeshme në qendër të qytetit të Laçit. Disa të rinj u përplasën me njëri-tjetrin me armë zjarri. Viktimat janë Mikel Jushi dhe Jani Jushi.

Detaje të reja janë zbardhur nga ngjarja ku Mikel Jushi një nga kushërinjtë që u ekzekutua ka pasur njohje dhe një miqësi të ngushtë me aktorin e humorit Bes Kallaku.

Por si ka lindur kjo miqësi mes tyre?

Mikel (Kelvin) Jushi është aktivizuar në skuadrën e Mamurrasit nga viti 2012 deri në shtator të vitit 2017, kur edhe u shkëput nga futbolli. Kujtojmë që edhe aktori i njohur i humorit Bes Kallaku ka lujtur me skuadrën e Mamurrasit.

Edhe pas shkëputjes nga futbolli sërish të dy e kanë vazhduar miqësinë me njëri-tjetrin edhe pas futbollit.

Madje i ndjeri Mikel Jushi ka qenë i pranishëm në dasmën e aktorit. Ai shihet teksa pozon i buzëqeshur krahas Xhensilës dhe Bes Kallakut.

“Të trashëgoheni dhe jetë të lumtur,”- shkruan Jushi krahas fotos me çiftin Kallaku.