LIGJET E BIZNESIT
Qytetarët janë mbledhur përpara Kryeministrisë për protestën e thirrur nga opozita e bashkuar, e cila nisi prej orës 18:00.
Në këtë protestë qytetarët marshojnë me pankartat, “Rama Ik” të cilat janë parë të stampuara edhe në çadrat e shpërndara nga organizatorët.
Protestuesit mbajnë vetëm flamujt e PD-së, ndryshe nga herët e tjera kur kanë përdorur atë kombëtar dhe atë të SHBA-ve. Mister mbetet edhe ora se kur do të përfundojë. Policia ka dhënë leje deri në orën 23:59.
Sipas PD-së, mijëra qytetarë nga rrethet kanë mbërritur në Tiranë. Ata janë ndaluar rrugës për në Tiranë nga policia, e cila u ka ushtruar kontroll të imtësishëm. Berisha ka paralajmëruar për “cunam” prej 200 mijë qytetarësh.
Për të siguruar mbarëvajtjen e protestës, rreth 1500 forca policie do të jenë në terren, ku nuk do të mungojë edhe Garda e Republikës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në gatishmëri edhe autobotet me ujë, gazi lotjsellës. Një ditë më parë janë pastruar kamerat e sigurisë; shtyllat rreth Kryeministrisë janë lyer me graso dhe është vendosur edhe mbrojtësja te dera e jashtme e Kryeministrisë.
Në gadishmëri do të jenë forcat e Zjarrfikësve dhe të gjithë efektivët e komisariateve. Prej protestës bllokohet qarkullimi në të gjitha rrugët që lidhin bulevardin ‘Dëshmorët e Kombit, nga ministria e Brendshme deri tek Presidenca.
Para protestës Ambasadës Amerikane i ka bërë thirrje shtetasve të saj që të evitojnë zonat ku do të protestohet. Ndërkohë kryeministri Edi Rama ka shtyrë vizitën e tij për në Katar.
