Gjithmonë është përfolur se marrdhëniet midis kryetarit të Bashkisë Tiranë, Erion Veliaj dhe Saimir Tahirit nuk kanë qenë asnjëherë të mira, se midis tyre ekzistonte një konkurencë brenda PD-së.
Së fundmi Veliaj i ka hedhur poshtë të gjithë këta zëra në studion e “Debat” me Roland Qafokun, ai ka shpresuar se ish-ministri do të dalë i pafajshëm në gjykatë.
Veliaj thotë se marrëdhëniet me të i ka shumë të mira, dhe se janë komshij.
Kryebashkiaku ka hedhur poshtë çdo zë për një luftë të fshehtë mes tyre, dhe shton se Xhafaj ka bërë një punë shumë të mirë në krye të policisë së Shtetit.
Zoti Veliaj, cili është mendimi juaj për atë që i ndodhi Saimir Tahirit?
Saimiri ka një proces në gjykatë, një gjë që unë nuk kam bërë kurrë është, që unë të fus hundët se cfarë pretendojnë gjykatat e këtij vendi. Edhe për veten time, për cdo gjë kam shkuar në gjykatë. Kam fituar 8-0 të gjitha gjyqet për shpifje ndaj meje.
Uroj shumë që dhe Saimiri të fitojë. Ai nuk ka qenë asnjëherë konkurrenti im brenda PS, kjo është e gjitha një legjendë urbane.Kemi pasur një marrëdhënie shumë korrekte në qeveri, sigurisht në profile shumë të ndryshme kështu që ato dy vite që unë kam qenë në qeveri, kemi pasur një raport shumë korrekt dhe secili në ngastrën e vet.
Marrëdhëniet tona personale kanë qenë të shkëlqyera. Pasi ndodhi kjo, kam komunikuar, jemi dhe komshinj. Kjo historia e rivalitetit dhe debatit, kanë qenë të gjitha legjenda urbane. Nuk mbaj mend të kemi debatuar ndonjëherë.
Shpesh herë kemi bërë batuta me njëri- tjetrin për këtë konkurrencën, që më shumë e ëndërronin të tjerët sesa ekzistonte.
Për Fatmir Xhafajn:
Ne kemi cdo fund viti 24 seanca dëgjimore për buxhetin e Bashkisë së Tiranës në të 24 njësitë me deputetin përkatës. Zoti Fatmir Xhafaj përvecse një ministër që ka bërë një punë të shkëlqyer për ta sjellë policinë akoma më lart, është edhe deputet i njësisë 10. Ai dha dorëheqjen si ministër i Brendshëm, jo si deputet. 3-4 ditë pas dorëheqjes së tij ishte dëgjesa në palestrën e shkollës Qemal Stafa.
Ai kishte datën e tij, do ishte mëkat po të mos kishte ardhur, se i bie që ngatërroi punën e tij si ministër me punën e tij si deputet. Kjo ja rrit më tepër vlerat.
Për gabimin e Edi Ramës:
Do të doja që Rama të ishte më i rreptë dhe më i vendosur por ai ka këtë zgjedhje. Do që ti dëgjojë të gjithë.
Ne kishim këtë historinë më debatin për universitein, këtë të fundit. Edi i trajtonte rektorët si shenjtorë. i them unë: prit ore se si c’me kërkohet mua llogari, duhet ti kërkohet dhe një rektori. Rektori duhet të më thotë, ore si ziheni ju për tendera rojesh.
Unë kam qenë i mendimit që Edi Rama ka një reputacion mbi të vërtetën dhe mbi normalen që është shumë i rreptë dhe autoritar, se në fakt me ca njerez duhet me qenë pak më i rreptë.
