Ramën e presin me kritika në Malësinë e Madhe

Kryeministri Edi Rama ka zhvilluar takimin me qytetarët e Malësisë së Madhe, pavarësisht protestave që i bllokuan rrugën.

Por gjatë takimit Rama është përballur me ironi dhe kritika. Ka qenë deputeti socialist Paulin Sterkaj, i cili teksa mori fjalën e hapjes në takimin me strukturat e PS kritikoi Edi Ramën se ka bërë mungesa në këtë zonë.

“Si gjithmonë me trazime po Malësia e Madhe gjithmonë di me i rrespektu njerëzit. Ke bërë mungesa, por e ke përparuar këtë marrëdhënie me malësorët”, tha Sterkaj. Në fjalën e tij Kryeministri pranoi kritikat, sakaq vazhdoi fjalën.