Gjatë fjalës së tij në Parlament, Kryeministri Rama konfirmoi edhe një herë qëndrimin e shumicës për të mos u tërhequr nga vendimi për të organizuar zgjedhjet vendore të 30 qershorit.
Më tej ai deklaroi se PS nuk ka patur ndonjëherë problem me Partinë Demokratike sa i përket shit-blerjes së votave, por problemi ka ardhur gjithmonë nga Lëvizja Socialiste për Integrim.
Sipas tij, LSI është partia që e ka nxitur fenomenin shit-blerjeve apo manipulimit të votave.
Më tej Rama kërkoi nga partia e drejtuar Kryemadhi që ‘të shkojë në shtëpi’ në mënyrë që Shqipëria të shpëtojë nga ky fenomen.
“Gjysmën e punës e keni bërë, tani shkoni në shtëpi dhe rrini pushim. Bëjeni, të rrijë LSI një turn pushim dhe nuk do të ketë shit-blerje votash. Do e shpëtojmë Shqipërinë nga shit-blerja e votave”, tha Rama.
