Rama nga Elbasani: Zgjedhjet nuk shtyhen, do t’i marrim të gjitha Bashkitë

Pavarësisht protestës me bllokimin e rrugës, Kryeministri Edi Rama ishte paraditen e sotme në qytetin e Elbasanit në kuadër të turit “Bashkia që Duam”.

Nga Elbasani Rama ka shprehur ambicien për një pushtet absolut duke thënë se PS do të marrë të gjitha Bashkitë. Sipas tij, nuk do të ketë shtyrje të zgjedhjeve, por ato do të realizohen në datën e paracaktuar, më 30 qershor.

Ndërsa, foli për zgjedhjet e 30 qershorit, si dhe për bashkinë e Elbasanit, duke u shprehur se në këtë qytet do të ketë festë në këtë datë.

““Kam dëgjuar edhe nga njerëzit tanë, që mendojnë se do gjendet një zgjidhje e do shtyhen zgjedhjet. Me 30 qershor këtu në Elbasan do bëhet një festë e madhe e të gjithë do t’i japin dorën Gledit, që të vazhdojë në atë rrugë, e të jeni të bindur se do të bëjmë në 4 vitet e ardhshme edhe më shumë, nga ç’është bërë.”- tha Rama.