Rama në Shkodër, mbështetës të PD bllokojnë Urën e Bahçallëkut

Ditën e sotme kryeministri Edi Rama pritet të shkojë sot në Shkodër në kuadër të takimeve “Bashkia që Duam”.

Por momente tensioni po regjistrohen pasi disa mbështetës të opozitës kanë bllokuar akset hyrëse të qytetit, në veçanti Urën e Bahçallëkut.

Gjithashtu protestues janë mbledhur edhe në urën e Spatharit në Vau Dejës duke bllokuar të dy anët që lidhen me Shkodrën.

Protestuesit kanë djegur disa goma dhe pengojnë qarkullimin e automjeteve.

Aksioni i protestuesve ka ardhur një ditë pas protestës së opozitës, e cila u quajt ndryshe mosbindje civile.