Përfundon takimi i ambasadorit të BE-së me aleatët e e Bashës

Dje ambasadori i Bashkimit Europian në Shqipëri, Luigi Soreca ka thirrur në një takim aleatët e kreut të Partisë Demokratike, Lulzim Basha.

Janë thirur në protestë partitë aleate të PD-së si LSI-ja, LZHK, PAA, PBDNJ, PDK, PR, të cilët firmosën formimin e koalicionit opozitar ditën e martë.

Takimi nisi në orën 16:00 pranë zyrave të BE-së në Tiranë, ndërsa në fokus do të jetë situata politike.

Në përfundim të këtij takimi, kreu i PR-së, Mediu, tha se ambasadori Soreca ishte shprehur pro dialogut mes palëve.

Ndër të tjera Mediu shtoi se do i bëjnë thirrje presidentit Meta që të thirrë një tryezë bisedimi mes shumicës dhe opozitës, që do i shërbejë zgjidhjes së krizës.

Ne do ti kërkojmë presidentit të thërrasë një tryezë me opozitën dhe pozitën për zgjidhjen e kësaj situate dhe për të garantuar zgjidhje të lira e të ndershme dhe qytetarët të zgjedhin se kush do ti qeverisë në nivel lokal dhe kombëtar”, tha Mediu.

Ndërsa kreu i PBDNJ-së, Dule, tha se opozita e bashkuar është e vendosur që me të gjitha mjetet dhe mënyrat që lejon demokracia, të sensibilizojë qytetarët shqiptarë dhe partnerët ndërkombëtarë për zgjidhjen sa më shpejt të krizës.