Nis takimi i Metës me aleatët e Bashës

Sot aleatët e Partisë Demokratike do të ulen në tryezën e diskutimeve me Presidentin Meta. Takimi është kërkuar nga vetë partitë e vogla dhe mund të shërbejë për thirrjen e një tryeze gjithëpërfshirëse mes palëve politike.

Mëngjesin e sotëm aleatët e koalicionit opozitar Fatmir Mediu, Nard Ndoka, Vangjel Dule, Dashamir Shehi dhe Agron Duka, kanë mbërritur në zyrën e Metës.

Kujtojmë se ditën e djeshme aleatët e Bashës propozuan 12 pika për zgjidhjen e ngërçit, ndërsa apeluan për marrëveshje maxhorancë-opozitë.