Në Tiranë për të prodhuar droga të forta sintetike, dy amerikanët ekstradohen drejt SHBA

Erdhën në Shqipëri për të prodhuar droga të forta sintetike, por ekstradohen drejt Shteteve të Bashkuara të Amerikës. Kështu ka ndodhur me dy të rinjtë amerikanë Vincent (Dominic) De Caro dhe Arber Isaku, të dy 30 vjeç, lindur dhe banues në New York.

Ata u arrestuan në Shqipëri më 21 shtator të vitit të kaluar. Prej një viti ata fshiheshin në Tiranë, ku po përgatiteshin për të prodhuar drogë sintetike.

Dy të rinjtë amerikanë ishin shpallur në kërkim ndërkombëtar nga Interpol Ëashington/SHBA, pasi Gjykata e Connecticut/SHBA në vitin 2018 vendosi ndaj tyre masën e sigurisë “Arrest me burg” për veprat penale “Prodhim dhe shitje të lëndëve narkotike dhe substancave psikotrope”.

Ata ju dorëzuan Oficerëve të Policisë së Shteteve të Bashkuara të Amerikës në aeroportin “Nënë Tereza”.