Sot PS zyrtarizoi koalicionin parazgjedhor. 24 parti janë bërë bashkë me PS-në në formacion.
Në listën e partive që nënshkroi një koalicion, bie në sy Partia Demokracia e Re Europiane, e drejtuar nga Koçi Tahiri.
Ai ka përfituar nga djegia e mandateve të opozitës dhe do të hyjë në parlament si pjesë e ‘opozitës së re’. Megjithatë, pas marrëveshjes së sotme, në zgjedhjet e ardhshme të 30 qershorit, ‘tradhtari’ i Bashës do të garojë në koalicion me PS.
Tahiri në zgjedhjet e shkuara ka kandiduar në Korçë nën siglën e Partisë Demokratike, por nuk ia doli që të merrte votat e mjaftueshme për t’u futur në parlament.
