Shqipëria gjatë ditës së sotme me alternime kthjellimesh dhe vranësira të shpeshta.
Sipas MeteoAlb, më të theksuara vranësirat do të jenë në ekstremet Veri dhe Jug, ku në mesditë do të ketë zhvillim të tyre dhe do të shtrihen në të gjithë vendin duke gjeneruar shira afatshkurtër dhe herë pas-here në formë shtrëngatash.
Mbrëmja dhe nata mbeten kryesisht me vranësira të shpeshta përgjatë kufirit lindor por kthjellime në zonën e ulët dhe bregdet.
Temperaturat e ajrit do të ulen në mëngjes por dhe në mesditë duke luhatur vlerat ekstremale ditore nga 10°C deri në 26°C, shkruan MeteoAlb.
