Mosbindja civile, Kryemadhi ultimatum Edi Ramës

Protesta e opozitës së bashkuar ka përfunduar, ndërkaq kryetarja e LSI-së, Monika Kryemadhi, i ka dhënë ultimatum kryeministrit Edi Rama, nga Durrësi.

Numri një i LSI-së tha se Rama ka vetëm nëntë javë kohë për të kuptuar çfarë ka ndodhur dhe çfarë do të ndodhë.

Ajo tha se, shqiptarët janë të vendosur dhe nuk do të ndalen deri në largimin e tij, pasi sipas saj kjo do të krijojë zgjedhje të lira e të ndershme.

“Tashmë do të shpërndahemi në të gjithë Shqipërinë, Sot jemi këtu, neësr diku tjetër dhe nuk do të ndalemi. Sot nuk ka më rrugë tjetër, o do të jesh me kriminelët o do të jesh me qytetarët. Ka vetëm 9 javë për të kuptuar se çfarë ka ndodhur.

Ndërkombëtarët e kanë kuptuar, por edi Rama akoma jo. Ka vetëm 9 javë për ta kuptuar. Protestat janë për ti thënë Edi Ramës që je vonë, mos vazhdo të provokosh shqiptarët, por tërhiqu që shqipatrët të kenë shansin për të pasur lidhje të lira e të ndershme”,  tha Kryemadhi.