Pas krizës politike që ka përfshirë vendin ish-ministri i Drejtësisë, Ylli Manjani ka reaguar i ka bërë thirrje Presidentit Ilir Meta.
Manjani i bën thirrje Metës që të ndërhyjë ndaj kësaj krize politike. Sipas Manjanit gjysma e popullit është jashtë sistemit demokratik.
“Le të bëjë, të paktën aq sa bëri Presidenti Moisiu në vitin 2007, kur Edi Rama nuk u rregjistrua për zgjedhjet lokale të atij viti…”, shprehet Manjani.
Reagimi:
I lexuar më thjeshtë, neni 86.1 i Kushtetutës do të thotë se:
1. Shoqëria (populli) paguan keyetarin e shtetit të saj për të garantuar unitetin e saj.
2. Uniteti i shoqërisë më së pari ruhet dhe garantohet për çështje themelore, si demokracia, liritë dhe të drejtat themelore, tërësia territoriale, historia gjuha e kultura e popullit dhe funksionimi i shtetit në tërësi.
Po për ç’demokraci, shtet e shoqëri unike flasim kur të paktën gjysma e popullit është sot jashtë sistemit demokratik?!
Kjo është dita që Presidenti të veprojë dhe jo të fshihet! Le të bëjë, të paktën aq sa bëri Presidenti Moisiu në vitin 2007, kur Edi Rama nuk u rregjistrua për zgjedhjet lokale të atij viti…
Presidentit nuk po i kërkohet të ndajë fituesin e zgjedhjeve, por të garantojë pjesmarrjen e popullit, pa dallim politik, në to!!
