Kryedemokrati Lulzim Basha në një takim me përfaqësues të Bundestagut në Tiranë pohoi se sektori shëndetësor ndodhet në kolaps për shkak të keqmenaxhimit.
Basha nuk hezitoi të cilësonte shëndetësinë shqiptare si “primitive dhe në gjendje kome”, dhe më e keqja ne Evropë sipas renditjeve të studimeve të ndryshme.
Basha sulmoi sistemin e PPP-ve “korruptive dhe me shpenzime gjigande”, sepse në Shqipëri sipas tij “në radhë të parë vendoset çfarë do vidhet”.
Kryeministri Rama sipas tij i ka “hapur derën mafies të farmaceutikës” që për kryedemokratin konkurron me trafikun e kokainës.
Teksa renditi dështimet në sektorin në fjalë, Basha shtoi se me ardhjen e PD-së në pushtet paga minimale e doktorëve do të jetë 1200 euro dhe ajo e infermierëve 700 euro.
Takimi ishte organizuar nga fondacioni Konrad Adenuar mbi sistemin shëndetësor në Shqipëri.
